Hakimi mposht dyshen Salah-Osimhen, përzgjidhet “lojtari i vitit” në Afrikë

Ai cilësohet ndër mbrojtësit më të mirë në botë, po mbyll një vit të jashtëzakonshëm e me gjasa një tjetër sukses e pret në 2026-ën. Achraf Hakimi është një ndër lojtarët më në zë në botën e futbollit, sidomos kur flasim për shpejtësinë, nxjerrjen e ekipit përpara, por dhe në shënimin e golave edhe pse si mbrojtës i djathtë.

Të gjitha këto bënë që ai të përzgjidhet lojtari më i mirë afrikan i vitit, duke mposhtur dyshen Salah-Osimhen, që po ashtu kanë bërë mirë.

Ylli i PSG është padyshim një ndër emrat më të njohur jo vetëm të Marokut, por gjithë kontinentit afrikan, madje me performancën më të mirë në Evropë në rolin e tij. Kombëtarja të cilën ai përfaqëson nuk e fitonte një çmim të tillë që prej gati 3 dekadash e tani ishte Hakimi që riktheu trofeun e lojtarit më të mirë të kontinentit.

Përgjatë vitit 2025 fitoi tripletën me PSG, realizoi 11 gola dhe asistoi 16 herë shokët e skuadrës në 55 ndeshje. Një kontribut të jashtëzakonshëm ka pasur dhe në botëror me përfaqësuesen e tij që zhvilloi një rrugëtim të jashtëzakonshëm në Qatar. Hakimi aktualisht është i dëmtuar, që prej sfidës me Bayernin dhe shpreson të rikuperohet sa më shpejt për të qenë gati.

LEXONI GJITHASHTU:

• Hidhet shorti për gjysmëfinalet e Play-Off, Shqipëria mëson kundërshtarët
• Shorti për fazën eliminatore të Kupës së Botës do të mbahet më 20 nëntor në Zyrih