Gaza: Të paktën 67 fëmijë të vrarë që nga marrëveshja e armëpushimit

Të paktën 67 fëmijë janë vrarë në incidente të lidhura me konfliktin që kur hyri në fuqi armëpushimi në Gaza, tha sot agjencia e fëmijëve e Kombeve të Bashkuara.

“Dhjetëra të tjerë janë plagosur. Kjo do të thotë se mesatarisht, pothuajse dy fëmijë janë vrarë çdo ditë që nga hyrja në fuqi e armëpushimit”, u tha gazetarëve në Gjenevë zëdhënësi i UNICEF-it, Ricardo Pires.

Një ditë më parë sulmet izraelite në Gaza vranë 33 persona dhe plagosën disa të tjerë, sipas mjekëve, në një nga përshkallëzimet më serioze të dhunës që kur armëpushimi i mbështetur nga SHBA-të hyri në fuqi muajin e kaluar.

LEXONI GJITHASHTU:

• Sulmet ajrore izraelite vrasin 33 persona në Gaza
• Grupi i pengjeve të liruara nga Gaza në Uashingtonin, pritet të takojnë Trump-in