Në përpjekje për t’i dhënë fund luftës, Ukraina kërkon një takim me Trump në SHBA

Shefi i sigurisë së Ukrainës thotë se shpreson të organizojë një vizitë të Presidentit Volodymyr Zelensky në SHBA “në datën më të afërt të përshtatshme” këtë muaj, ndërsa përpjekjet diplomatike për t’i dhënë fund luftës vazhdojnë.

Rustem Umerov, kreu i këshillit të sigurisë së Ukrainës, tha të martën se SHBA-të dhe Ukraina kishin arritur “një mirëkuptim të përbashkët mbi kushtet kryesore të marrëveshjes së diskutuar” në bisedimet e mëparshme në Gjenevë.

Shtëpia e Bardhë nuk ka komentuar mbi mundësinë e bisedimeve Trump-Zelensky.

Ndërkohë, SHBA-të kanë konfirmuar se zyrtarët e tyre do të takohen me përfaqësuesit rusë në Abu Dhabi.

Luftimet vazhduan gjatë natës, me Rusinë dhe Ukrainën që shkëmbyen sulme ajrore.

LEXONI GJITHASHTU:

• Serbia thotë se ka arrestuar një ish-pjesëtar të UÇK-së
• Balona kontrabandiste, Lituania mund të mbyllë sërisht kufirin me Bjellorusinë