U kap me 265 gramë kokainë, vihet në pranga 23-vjeçari në Tiranë

Policia e Tiranës ka goditur një rast të shitjes së lëndëve narkotike, duke sekuestruar rreth 265 gramë kokainë të ndarë në doza dhe një sasi kanabisi, të gjitha gati për shitje. Në kuadër të operacionit të koduar “Parku”, u arrestua shtetasi me iniciale A. M., 23 vjeç, banues në Tiranë.

Pas informacioneve të marra në rrugë operative se një shtetas po kryente shitje droge në zonën e njohur si “Ish-parku i autobusave”, shërbimet e Policisë ndërhynë në rrugën “Frosina Plaku”, ku kapën 23-vjeçarin.

Gjatë kontrollit fizik dhe më pas në banesën e tij, u gjetën dhe u sekuestruan 265 gramë lëndë e dyshuar kokainë, e ndarë në sasi të vogla për shitje, si dhe një sasi kanabisi.

Materialet procedurale do t’i kalojnë Prokurorisë, për veprime të mëtejshme.

LEXONI GJITHASHTU:

• Prostitucion dhe lëndë narkotike, kapen dy braziliane në një apartament të Durrësit
• Mbytet në përrua 35-vjeçari në Elbasan, dyshohet se ishte në gjendje të dehur (EMRI)