U arrestua për bashkëpunim në vrasje, ky është Xhino Ago ish-ortaku i Mondi Mëhallës

Personi në foto është Xhino Ago, ish-ortak i biznesmenit të vrarë Mondi Mëhalla.

Ago është arrestuar nga policia me akuzën e bashkëpunimit në vrasje ndërsa akuzohet për veprat penale “Vrasje me paramendim”, kryer në bashkëpunim, dhe “Prodhimi dhe mbajtja pa leje e armëve, armëve shpërthyese dhe municionit”.

Ago, ish-ortak me Mëhallën, dyshohet se i ka dhënë automjetin njërit prej autorëve të ngjarjes.

Ngjarja e rëndë u shënua mbrëmjen e së dielës, kur biznesmeni Mondi Mëhalla u vra sapo kishte dalë nga një zyrë në karburantin në pronësi të tij “Xhaxhi Oil” dhe ishte futur në makinën tip “Range Rover”.

Njëri nga autorët ka dalë nga makina tip “Audi”, është afruar dhe e ka qëlluar ndërsa më pas dy autorët u larguan drejt Librazhdit, ku dogjën automjetin në fshatin Mirakë.

Brenda mjetit, që u gjet i djegur paraditen e djeshme, u gjet edhe një pistoletë “Beretta” e përdorur në krim.

43-vjeçari nuk ishte person i panjohur për policinë, me precedentë për narkotikë dhe armëmbajtje pa leje.

Ai jetonte në Tiranë, në zonën e Komunës së Parisit, ndërsa kishte shtrirë prej vitesh aktivitetet e tij të biznesit në Elbasan.

LEXONI GJITHASHTU:

• FOTO/ Ky është Marselo Arani, një nga të dyshuarit për ekzekutimin e Mondi Mëhallës
• Zbardhet vrasja e biznesmenit në Elbasan/ Identifikohen autorët, shpallen në kërkim
• Llabani sjell detaje të forta për vrasjen e biznesmenit në Elbasan