Arsenal mposht Brentfordin dhe blindon kreun e Premier League

Pas 14 javësh të luajtura në kampionatin anglez, është Arsenali ai që udhëheq garën, duke u konfirmuar një skuadër e konsoliduar nga java në javë.

Topçinjtë regjistruan triumfin e radhës në kompeticionin vendas, ku mposhtën të mërkurën Brentfordin në shtëpi.

Një duel i dominuar nga ekipi i Mikel Artetës që gjeti avantazhin që në minutën e 11-të me Mikel Merino.

Në limite do të vinte edhe goli i sigurisë, me autor yllin e 3 Luanëve, Bukayo Saka. 2-0 dhe Arsenali konsolidon kreun dhe e sheh veten 5 pikë larg Man City-t të vendit të dytë.

Të mërkurën u luajtën edhe 5 përballje të tjera të kampionatit anglez, aty ku bie në sy humbja e Chelseat apo barazimi i Liverpool-it me Sunderland-in, me kampionët që hedhin një tjetër hap fals.

Blutë e Londrës u mposhtën në transfertë nga Leeds në shifrat 3-1, me vendasit që realizuan me Bijol, Tanaka dhe Calvert-Leëin, ndërsa për londinezët goli i vetëm u shënua nga Neto.

Liverpool–Sunderland u mbyll në barazim 1-1, një përballje e luftuar dhe e luajtur më mirë nga kampionët në fuqi, të cilët e panë veten në disavantazh në minutën e 67-të, ku Talbi kaloi përpara Sunderland-in.

Autogoli i Mukiele riktheu barazpeshën dhe i dha një pikë të kuqve.