Ndërtimi përballë rritjes së kostos së pagave, çmimet e materialeve nuk ndryshojnë

Kostot e ndërtimit po lëvizin ngadalë këtë vit. Indeksi i Kushtimit në Ndërtim për tremujorin e tretë të vitit 2025ka arritur 114. Krahasuar me të njëjtën periudhë të një viti më parë, rritja është 1.4%, çka  tregon se çmimet në ndërtim nuk po rriten më me të njëjtin vrull si më parë.

Në analizën vjetore të grupeve kryesore, rritja më e fortë vërehet te shpenzimet për paga, të cilat janë rritur me 6.6%. Ky është një sinjal i qartë i shtimit të kostos së fuqisë punëtore në ndërtim.

Pas pagave, rritje kanë shënuar edhe shpenzimet për makineri dhe kostot e tjera, të dyja me 2.4%, ndërsa shpenzimet për transport janë rritur me 1.7%. Në të kundërt, shpenzimet për materiale kanë rënë me 0.6%, duke reflektuar një ulje të çmimeve në këtë grup.

Në përgjithësi, të dhënat tregojnë një rritje të moderuar të kostove në sektor, të nxitur kryesisht nga paga dhe shpenzimet operacionale, ndërsa ulja e çmimeve të materialeve ka zbutur disi presionin e përgjithshëm në kosto.

Indeksi mat ecurinë e çmimeve të materialeve të ndërtimit, të fuqisë punëtore dhe të shpenzimeve të tjera kapitale që përdoren në ndërtimin e një banese tip. Ai është një tregues i rëndësishëm ekonomik për sektorin e ndërtimit.

LEXONI GJITHASHTU:

• Ndërtimi dhe turizmi i japin hov ekonomisë, bujqësia tkurret me ritëm të shpejtë
• 289 leje ndërtimi në tremujorin e tretë, 72% u dhanë në Tiranë