Suedia do të shkurtojë ndihmat për pesë vende dhe do t’i dërgoj fondet për Ukrainën

Suedia do të heqë gradualisht ndihmën për zhvillim për pesë vende gjatë viteve të ardhshme dhe do t’i përdorë këto fonde për të rritur mbështetjen për Ukrainën, tha qeveria të premten.

Vendi nordik planifikon të heqë dorë nga ndihma për Zimbabven, Tanzaninë, Mozambikun, Liberinë dhe Bolivinë, tha ministri për Bashkëpunim Ndërkombëtar për Zhvillim dhe Tregti të Jashtme, Benjamin Dousa.

“Ukraina është prioriteti më i rëndësishëm i Suedisë në politikën e jashtme dhe në atë të ndihmës, dhe për këtë arsye qeveria do të rrisë ndihmën për Ukrainën në të paktën 10 miliardë krona (1.06 miliardë dollarë) në vitin 2026,” tha Dousa.

LEXONI GJITHASHTU:

• Në kërkim nga Suedia për krim të organizuar, arrestohet në Prishtinë shtetasi i huaj
• Mbyllet aeroporti i dytë më i madh në Suedi pas raportimeve për dronë