Skandali i basteve, skuadra turke nuk plotëson dot numrin e lojtarëve për ndeshje

Një episod i çuditshëm vjen nga Turqia aty ku skuadra e Yeni Malatyaspor nuk ka mundur dot ta vijojë ndeshjen, pasi 7 lojtarë janë të pezulluar për hetimet e basteve, duke bërë që të mos përballet dot me Isparta 32 Spor.

Në pamjet e publikuara shihen skuadrat që dalin nga fusha pasi nuk mund të zhvillohet sfida.

Turqia u trondit një ditë më parë nga një skandal i madh në futboll. Arrestime në lidhje me akuzat për trukim ndeshjesh dhe baste janë duke u zhvilluar në disa qytete.

Midis të ndaluarve janë lojtarët e njohur të futbollit të Fenerbahçes dhe Galatasarayt, Mert Hakan Jandas dhe Metehan Baltaci, si dhe gjyqtari Zorbaj Kucuk, për shkak të transaksioneve të dyshimta financiare në llogaritë bankare. Dyshohet se Baltacci ka vënë baste në ndeshjet e ekipit të tij, ndërsa Jandas ka përdorur platforma të ligjshme bastesh përmes palëve të treta.

LEXONI GJITHASHTU:

• Futbolli turk nën rrethim policor: Arrestime në dy klubet më të mëdha
• Avioni ajror turk pa pilot, bëhet droni i parë në botë që qëllon raketa ajër-ajër