Ernest Muçi kthehet në vendimtar për Trabzonsporin, 5 gola në 3 ndeshjet e fundit

Dy futbollistët e kombëtares shqiptare, Arbër Hoxha dhe Ernest Muçi, po kalojnë një formë fantastike për skuadrat e tyre, duke shënuar nga ndeshja në ndeshje.

Muçi po kalon një formë të jashtëzakonshme te Trabzonspor teksa sulmuesi kuqezi realizoi të dy golat në fitoren e radhës.

Ekipi i tij renditet në vendin e dytë, me vetëm dy pikë më pak se Galatasaray i vendit të parë. Në tre ndeshjet e fundit të kampionatit, Muçi ka shënuar pesë gola.

Sa i përket Hoxhës, ai shënoi në barazimin e Dinamo Zagreb këtë fundjavë, 1-1 me Hajduk. Një pikë e vlefshme për Dinamo Zagreb, që kryeson kampionatin me 32 pikë.

Rrugën e rrjetës këtë fundjavë e gjeti edhe Arbnor Muja në kampionatin belg. Qazim Laçi dha një asist në barazimin 1-1 të Rizespor në transfertë ndaj Konyaspor.

Titullarë këtë javë ishin gjithashtu Thomas Strakosha, Berat Gjimshiti, Ylber Ramadani, Juljan Shehu, Medon Berisha, Adrion Pajaziti, Nedim Bajrami, Jasir Asani, Armando Broja, Mirlind Daku dhe Anis Mehmeti.