RMV-ja dhe Kosova raportojnë se gjendja epidemiologjike mbetet nën kontroll

Dhjetë persona kanë humbur jetën si pasojë e COVID-19 në Maqedoninë e Veriut. Kjo e dhënë bëhet publike nga ana e Ministrisë së Shëndetësisë, e cila thotë se janë zbuluar edhe 37 raste të reja, nga 3108 teste të kryera.

Qyteti në të cilin ja evidentuar më shumë raste është Shkupi, i ndjekur nga Kumanova dhe Prilepi.

Gjatë 24 orëve të fundit janë shëruar 90 pacientë, duke e çuar numrin në total në 148 798, që nga fillimi i epidemisë.

Në Maqedoninë e Veriut kanë ndërruar jetë si pasojë e coronavirus 5432 pacientë, shumica e të cilëve me sëmundje bashkëshoqëruese.

Kurse në Kosovë, Ministria e Shëndetësisë thotë se situata epidemiologjike e COVID-19 raportohet më e qëndrueshme. Gjatë orëve të fundit nuk është raportuar asnjë humbje jete, ndërsa janë evidentuar 19 raste të reja.

Kosova nga fillimi i epidemisë ka raportuar për 2043 humbje jete, shifër kjo shumë herë më e vogël në krajasim me shtetin fqinj të Maqedonisë së Veriut.

LEXONI GJITHASHTU: 

• Nesër pa maska në RMV, do të lejohen dasmat me deri në 100 të ftuar