Një udhëtim në muzikën e filmave shqiptarë, rikthehen tingujt e Haig Zacharian

Në Arkivin Qendror Shtetëror të Filmit u prezantua albumi pianistik “Eko e një kohe të largët”, ideuar dhe kuruar nga Ardita Bufaj.

Kjo e fundit solli kolonat zanore të filmave, të shkruara nga kompozitori i mirënjohur Haig Zacharian, një nga kompozitorët më të mëdhenj të muzikës shqiptare,

Të pranishëm në koncert ishin figura të njohura të artit dhe muzikës, të cilët ndanë kujtime nga e kaluara.

“Librarizmi në koncept e kishte jo vetëm në dukje, por edhe në bazë. Pianoja ishte në rastet e rralla që të kishim piano. Koncepti i librarizmit të Haigut dhe një metodë për të kërkuar muzikë. E kishe luksin për të devijuar nga regjimi socialist me gjuhën harmonike”, thotë Petrika Afezolli, dirigjent.

Albumi “Eko e një kohe të largët” solli rikthimin e tingujve që kanë shoqëruar filmat më të dashur shqiptarë, të rimenduar në një dimension pianistik, që u interpretua në piano nga Ardita Bufaj dhe Merita Balliua, të shoqëruara në oboe nga Xhovana Marku.

Më shumë se një promovim, koncerti erdhi si një udhëtim në kujtesën kolektive, një rikthim te emocionet që muzika e Haig Zacharian ka gdhendur për dekada.

Disa nga filmat, muzikën e të cilëve e ka kompozuar Haig Zacharian, janë: “Ilegalët”, “Dollia e dasmës sime”, “E fshehta e një nate”, “Yjet mbi Drin”, “Dorina”, “Përtej mureve të gurta” dhe “Një natë pa dritë”.