Gjoba deri në 1,000 euro për gjermanët që përpiqen të shmangin shërbimin ushtarak

Gjermania do të vendosë një gjobë deri në 1,000 euro për këdo që nuk përgjigjet ose përgjigjet gabimisht në pyetësorin në lidhje me shërbimin ushtarak ose nuk paraqitet për ekzaminimet e përcaktuara mjekësore.

Legjislacioni i ri do të hyjë në fuqi nga 1 janari 2026, duke kërkuar që të gjithë burrat 18-vjeçarë dhe çdo grua 18-vjeçare që dëshiron të shërbejë duhet t’u përgjigjen 14 pyetjeve nga Bundeswehr-i dhe më pas t’i nënshtrohen një ekzaminimi mjekësor.

Ata që konsiderohen të përshtatshëm përfshihen më pas në listat e rekrutëve, nga të cilat forcat e armatosura do të tërheqin personel në rast se nevojat e ushtrisë nuk plotësohen nga vullnetarët.

Sipas BILD, kushdo që përpiqet të shmangë procedurat e përcaktuara kërcënohet me një gjobë deri në 1,000 euro. Shuma e saktë do të përcaktohet rast pas rasti, varësisht nga ashpërsia e shkeljes.

Përveç kësaj, nëse dikush nuk paraqitet për ekzaminimet mjekësore pa një arsye serioze, policia mund të kërkojë arrestimin e tij. Pyetësorët e parë pritet të dërgohen që në mesin e janarit dhe Ministria e Mbrojtjes vlerëson se do të dërgojë afërsisht 54,000 në muaj.

LEXONI GJITHASHTU:

• Trump zbulon planin për ndërtimin e luftanijeve të reja
• Aksident në Maliq, përplaset nga makina 65-vjeçari! Në gjendje të rëndë në spital