Berisha nga Manza: Mos u nxitoni me paragjykime, në Janar do bllokojmë sheshin deri në ikjen e Ramës
Kreu i Partisë Demokratike, Sali Berisha, zhvilloi këtë të premte një takim me mbështetësit demokratë në Manëz, në kuadër të turit të tij të quajtur “Foltoret”.
Gjatë fjalës së tij, Berisha u bëri thirrje demokratëve për qëndresë të vazhdueshme përmes protestave paqësore, duke theksuar se opozita do të përdorë vetëm mjete demokratike për të arritur largimin e qeverisë.
“Ne e nisëm betejën tonë në parlament dhe ju siguroj se opozitën e keni të vërtetë. Ne nuk jemi parti e dhunës. Rruga jonë është qëndresa paqësore dhe sheshet”, u shpreh Berisha.
Ai solli shembuj nga historia e Partisë Demokratike, duke përmendur vitet 1991, 1997 dhe 2005, për të theksuar se, sipas tij, përmbysjet politike janë arritur përmes votës dhe rezistencës paqësore.
Berisha u ndal edhe te protesta e 22 dhjetorit, duke e cilësuar atë si një betejë të fituar në planin e së drejtës dhe me “jehonë të jashtëzakonshme ndërkombëtare”.
“Mos u nxitoni me paragjykime. Sheshi duhet të jetë i yni. T’i rikthehemi sheshit çdo natë dhe Edi Rama ikën si mi. Nuk mund të qëndrojë aty”, deklaroi ai.
Në përfundim, kreu i PD-së tha se viti 2026 do të jetë vit vendimtar për opozitën, duke e cilësuar misionin e saj si një përpjekje për të “përmbysur një diktaturë të dytë” dhe për “shpëtimin e Shqipërisë”.
“Janari nis betejën tonë deri në fitore”, përfundoi Berisha, duke uruar gjithashtu festat për mbështetësit e tij.
Aksident i rëndë në autostradën Tiranë–Durrës, furgoni me pasagjerë del nga rruga
“Planet madhështore”, Rama publikon bisedat e organizatorëve të protestës, qytetari: Mos e ço nëpër mend dorëheqjen
Përplasje para Parlamentit, protestuesit qëllojnë me vezë makinat e deputetëve. Policia arreston Dritan Goxhajn
- 15:33 Berisha reagon pas protestës pranë Parlamentit: Policia ushtroi dhunë ndaj qytetarëve, të lirohen të shoqëruarit
- 15:15 Aksident i rëndë në autostradën Tiranë–Durrës, furgoni me pasagjerë del nga rruga
- 15:09 “Planet madhështore”, Rama publikon bisedat e organizatorëve të protestës, qytetari: Mos e ço nëpër mend dorëheqjen
- 14:51 Shembet ndërtesa 4-katëshe në Athinë, dyshohet për disa persona të bllokuar
- 14:40 “Shoqërohen 6 protestues”, Agron Shehaj: U dhunuan hapur përpara kamerave
- 14:26 “Turp, turp”/ Protestuesit mblidhen para Drejtorisë së Policisë, kërkojnë lirimin e të shoqëruarve