Aksident i rëndë në aksin Peqin-Rrogozhinë, tre të plagosur

1 Janar 2026 | 11:08

Një aksident i rëndë rrugor është regjistruar rreth orës 10:05 të mëngjesit të sotëm, në ditën e parë të vitit, në aksin e rrugës kombëtare Peqin–Rrogozhinë.

Sipas të dhënave paraprake, dy automjete janë përplasur me njëra-tjetrën në fshatin Karinë, në Peqin. Si pasojë e përplasjes së fortë, mjetet kanë pësuar dëmtime të konsiderueshme, ndërsa të paktën tre persona kanë mbetur të plagosur rëndë.

Të lënduarit janë transportuar me autoambulancë drejt spitalit për ndihmë mjekësore, ku ndodhen nën kujdesin e mjekëve.

Në vendngjarje kanë mbërritur shërbimet e Policisë dhe ekipet e emergjencës, të cilat kanë kryer veprimet e para procedurale dhe kanë punuar për normalizimin e qarkullimit, i cili për disa minuta ka qenë i vështirësuar.

Ndërkohë, grupi hetimor po punon për zbardhjen e shkaqeve dhe rrethanave të aksidentit.

Home Kryefaqja
Shiko në: YouTube
Lajme të Sugjeruara

Miratohet projektligji për CENSI-n e bujqësisë, fermerët që nuk përgjigjen, do të gjobiten

Qeveria ka miratuar projektligjin “Për censin e bujqësisë”, një proces që synon të regjistrojë në mënyrë të plotë njësitë ekonomike bujqësore në të gjithë territorin...
14:46 | 04/06/2026

Erion Braçe del kundër Ramës për Zvërnecin (VIDEO)

Deputeti Erion Braçe ka folur lidhur me mënyrën se si po trajtohet publikisht projekti i investimit strategjik në Zvërnec. Në një reagim publik, Braçe theksoi...
14:05 | 04/06/2026

SPAK sekuestron vilën në Dhërmi, akuza të reja ndaj Belinda Ballukut

Prokuroria e Posaçme kundër Korrupsionit dhe Krimit të Organizuar ka vendosur sekuestro preventive mbi një vilë një resort në Gjilekë të Dhërmiut. SPAK njofton se...
14:03 | 04/06/2026