Aksident në aksin Elbasan–Shushicë, lëndohet një person

Një aksident rrugor është regjistruar në aksin Elbasan–Shushicë, ku dy automjete me targa të huaja janë përplasur me njëra-tjetrën.

Si pasojë e përplasjes, drejtuesi i njërit prej mjeteve ka mbetur i lënduar dhe është transportuar menjëherë drejt spitalit për të marrë ndihmë mjekësore. Burime nga vendngjarja bëjnë me dije se gjendja e tij është jashtë rrezikut për jetën.

Shërbimet e Policisë kanë mbërritur në vendngjarje dhe po punojnë për zbardhjen e plotë të rrethanave të aksidentit.

Sipas të dhënave paraprake, dyshohet se shkak i aksidentit ka qenë lagështira në rrugë dhe shpejtësia mbi normat e lejuara. Për shkak të aksidentit, qarkullimi në këtë segment rrugor ka qenë i bllokuar për rreth një orë, duke shkaktuar trafik të rënduar dhe vonesa për drejtuesit e mjeteve.