VIDEO/ Rritja e nivelit të lumit Vjosa, nisin evakuimet e para në Novoselë

Kanë nisur evakuimet e para në Novoselë pasi ministri i Mbrojtjes, Piro Vengu shpalli këtë të enjte njoftimin për evakuimin e menjëhershëm të banorëve pas rrezikut të lartë nga përmbytjet.

Përmbytjet kanë ardhur pas rritjes së nivelit të lumit Vjosa. Teksa reshjet e shiut vijojnë dhe niveli i Vjosës vijon e rritet, fshatrat më të rrezikuara janë Bishani, Fitore dhe Novoselë.

Evakuimi po realizohet në koordinim me Agjencinë Kombëtare të Mbrojtjes Civile (AKMC), prefektin e qarkut dhe strukturat e emergjencave civile të bashkisë. Prioritet kanë fëmijët, të moshuarit, personat me aftësi të kufizuara dhe familjet në zona të izoluara.