Në kërkim ndërkombëtar nga UMNIK si pjesëtar të grupit kriminal në Kosovë, arrestohen dy persona në Tiranë

Policia e Shtetit ka finalizuar këtë të hënë dy faza ttë operacionit të koduar “Operacionalja”, në kuadër të aksionit për kapjen e personave të shpallur në kërkim ndërkombëtar.

“Drejtoria e Forcës së Posaçme Operacionale njofton se gjatë 24 orëve të fundit, në Tiranë u ndaluan dy shtetas, R. B. dhe G. H., banues në kryeqytet. Të njëjtit ishin të shpallur në kërkim ndërkombëtar, pasi më 13 janar 2026, Përfaqësuesi Special i Sekretarit të Përgjithshëm të UNMIK/Kosovë lëshoi urdhër arresti ndërkombëtar ndaj tyre, si të dyshuar për “Pjesëmarrje ose organizim i grupit të strukturuar kriminal”, në fushën e trafikimit të qenieve njerëzore, sipas Kodit Penal të Kosovës.”-thuhet në njoftim.

Personat janë ndaluar me qëllim ekstradimin drejt autoriteteve të Kosovës, ndërsa punonjësit e policisë vijojnë procesin për finalizimin e procedurës së ekstradimit.