Makina përplas këmbësoren në Kukës, 49-vjeçarja dërgohet në spital për ndihmë mjekësore

Një aksident rrugor ka ndodhur në orët e para të mëngjesit të së premtes në aksin rrugor Shishtavec–Kukës, ku për pasoje ka mbetur e lënduar një këmbësore.

Një automjet i drejtuar nga një 30-vjeçar ka përplasur një 49-vjeçare, e cila u dërgua në spital dhe po merr ndihmën mjekësore. Drejtuesi i automjetit është shoqëruar në komisariat për veprime të mëtejshme.

Sipas njoftimit paraprak të Policisë së Kukësit, rreth orës 06:15, shtetasi G.N., 30 vjeç, duke drejtuar automjetin, dyshohet se ka aksidentuar shtetasen Sh.N., 49 vjeçe, banore e Kukësit.

“Grupi hetimor po punon për zbardhjen e rrethanave të aksidentit,” thuhet në njoftim.