Mbyllet edicioni i 60-të i Super Bowl, Seattle Seahawks shpallet kampion

Seattle Seahawks është fituesi i edicioni të 60-të të Super Boëlit amerikan, pasi mposhti në finalen e madhe New England Patriots, ndërsa regjistroi një dominim absolut që u vu re që në nisje.

Dominimi i skuadrës që më tej u shpall kampione u vu re që në çerekët e parë dhe dha idenë që gjërat në vijim nuk do të ishin të vështira dhe ashtu ndodhi në fushë.

Mbrojtja e Seahawks prodhoi një performancë të jashtëzakonshme duke bllokuar kundërshtarin dhe detyruar më tej të gabonin, për të përfituar më pas. Me kalimin e minutave diferencat u bënë më të ndjeshme mes dy skuadrave, me New England Patriots të cilët e patën të pamundur të reagojnë, për ti shkaktuar probleme kundërshtarit.

Në përfundim shifrat u fiksuar 29-13 dhe Seattle Seahawks fiton titullin e dytë në edicionin e 60-të të Super Bowl. Një projekt serioz dhe i suksesshëm i cili nisi shumë herët dhe u konkretizua me titull. Mbrëmja në fjalë nuk kishte vetëm futboll, por dhe performancë muzikore, aty ku Bad Bunny ndezi atmosferën dhe më pas shkaktoi polemika, duke sjellë reagimin e politikës në SHBA.