Vetëdorëzohet kryebashkiaku i Rrogozhinës, Edison Memolla

Kryetari i Bashkisë së Rrogozhinës, Edison Memolla, u vetëdorëzua mbrëmjen e kësaj të hëne në polici pas shpalljes së tij fajtor për korrupsion aktiv në zgjedhje, në bashkëpunim.

Mësohet se përveç Memollës janë vetëdorëzuar edhe 2 persona të tjerë.

Gjykata e Apelit të Posacëm e dënoi me 1 vit burgim, ndërsa vendosi edhe heqjen e së drejtës për të ushtruar funksione publike për 5 vite.

Njoftimi i Policisë së Durrësit

“Specialistët e Seksionit për Hetimin e Krimeve Ekonomiko-Financiare të DVP Durrës ekzekutuan vendimin e datës 09.02.2026, të Gjykatës së Posaçme të Apelit Kundër Korrupsionit dhe Krimit të Organizuar, e cila ka dënuar me nga 1 burgim, shtetasit E. M., 39 vjeç, B. Xh., 48 vjeç dhe N. T., 54 vjeç, banues në Rrogozhinë, për veprën penale “Korrupsioni aktiv në zgjedhje”, kryer në bashkëpunim”, thuhet në njoftim.