VIDEO/ Ambasada e SHBA-së në Kosovë uron 18-vjetorin e Pavarësisë
Kjo audio është krijuar me AI për leximin e lajmeve.
Mund të ketë pasaktësi në shqiptim ose në theksimin e disa fjalëve.
Të martën, Kosova shënon 18-vjetorin e pavarësisë, dhe me këtë rast Ambasada e Shteteve të Bashkuara të Amerikës në Kosovë ka vlerësuar bashkëpunimin e ngushtë dhe marrëdhëniet e forta mes dy vendeve.
Në një postim në rrjetet sociale, E Ngarkuara me Punë e Ambasadës së SHBA-së në Kosovë, Annu Prattipati, përmes një mesazhi video, thekson se dy vendet qëndrojnë të bashkuara për të ndërtuar një të ardhme të sigurt dhe prosperuese për Kosovën, duke i uruar qytetarët në emër të Shteteve të Bashkuara të Amerikës.
Annu Prattipati, rikujtoi se partneriteti mes dy vendeve nisi para pavarësisë, në vitin 1996, me hapjen e zyrës së parë amerikane në Prishtinë. Teksa këtë vit SHBA-ja shënon 250-vjetorin e saj, ajo theksoi se pret zgjerimin e bashkëpunimit mes dy vendeve në tregti, investime dhe forcimin e lidhjeve të sigurisë, duke përkrahur një të ardhme shumetnike dhe demokratike për Kosovën.
“Ndërsa Kosova shënon 18 vjet pavarësi dhe Shtetet e Bashkuara festojnë 250 vjet pavarësi, ne qëndrojmë së bashku — ndërsa Kosova vazhdon të ndërtojë një të ardhme të sigurt dhe të begatë”, shkruhet në postim.
Po ashtu, Presidenti amerikan, Donald Trump, e ka uruar Kosovën për 18-vjetorin e shtetësisë, duke rikonfirmuar mbështetjen e palëkundur të SHBA-së për sovranitetin dhe integritetin territorial të vendit, bëri të ditur Presidenca e Kosovës.
Në letrën e tij, Trump përgëzon Kosovën për pjesëmarrjen në Bordin e Paqes dhe për mbështetjen në përpjekjet e SHBA-së për zgjidhjen e sfidave globale, përfshirë situatën në Ukrainë, Gazë dhe vende të tjera.
“Teksa marrëdhënia mes dy vendeve vazhdon të rritet, ne mirëpresim zgjerimin e partneritetit përmes bashkëpunimit tregtar dhe investimeve. Shtetet e Bashkuara janë të gatshme të punojnë së bashku me Kosovën për të avancuar paqen dhe stabilitetin për të mirën e përbashkët”, thuhet mes të tjerash në letër.
Që nga viti 1998, SHBA-ja ka ndarë mbi 2 miliardë dollarë për Kosovën, duke mbështetur zhvillimin dhe stabilitetin e vendit.
Kaseta e “21 janarit” dërgohet për ekspertizë në SHBA
Ndërron jetë Rexhep Meta, babai i Ilir Metës
Rama: Për herë të parë mendova t’ju përulem dhe të iki në katund, ju kanë manipuluar
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta