Erdogan uron Vjosa Osmanin për Pavarësinë: Mbështesim sovranitetin territorial të Kosovës

Presidenti i Turqisë, Recep Taip Erdogan, ka uruar Kosovën në 18-vjetorin e Pavarësisë.

Në letrën dërguar presidentes Vjosa Osmani, Erdogan ka shprehur mbështetjen e Turisë për Kosovën.

“Presidenti i Turqisë, Recep Tayyip Erdoğan, uron Presidenten Vjosa Osmani për Ditën e Pavarësisë së Kosovës  Presidentja e Republikës së Kosovës, Vjosa Osmani, ka pranuar letër urimi nga Presidenti i Republikës së Tuqisë, Recep Tayyip Erdoğan, me rastin e 18-vjetorit të Pavarësisë. Në mesazhin e tij, Presidenti Erdoğan ka riafirmuar mbështetja e vazhdueshme e Tuqisë për sovranitetin dhe integritetin territorial të Kosovës, si dhe për avancimin e pozitës së saj në arenën ndërkombëtare. Presidenti Erdoğan po ashtu thekson angazhimin e vendit të tij për paqe dhe stabilitet në rajon”, thuhet në njoftim.

Në letër Erdogan e ka quajtur popullin e Kosovës si vëllazëror.