“Gëzuar 7-8 Marsin” –  Fëmijët në Gjirokastër urojnë me art nënat dhe mësuesit

Në Gjirokastër janë zhvilluar aktivitete të kulturore dhe artistike për festat e 7-8 Marsit. Fëmijët e Qendrës Kulturore “Fato Berberi” së bashku me vogëlushët e kopshteve të aktiviteteve artistike “Gëzuar 7-8 Marsin” duke përcjellë urimin për mësuesit dhe nënat.

Nëpërmjet këngëve, valleve, melodi instrumentale, punimeve në pikturë etj., fëmijët prezantuan talentin e tyre në fusha të ndryshme të artit.

“Sot ne kënduam, recituam, kënduam polifoni dhe u kënaqëm shumë për Festën e Mësuesit dhe të Nënës. I uroj mësuesve të Gëzuar 7-8 Marsin, mësuesja ime është më e mirë në botë dhe gjithë mësuesit e tjerë”, thotë një nxënëse.

“Ky ishte një urim mendoj nuk do të kishte më bukur për mësuesin, për këtë ditë simbolike, urimi për këtë ditë erdhi aq bukur nga zërat e të gjithë fëmijëve dhe unë uroj të mësuesit të gëzojnë festën, nënat, motrat tona: Gëzuar 7-8 Marsin”, shprehet Arlisa Gushi, instruktorë e artit.

Aktivitetet artistike për festat e 7-8 Marsit janë zhvilluar në të gjitha shkollat ​​dhe institucionet arsimore të Qarkut të Gjirokastrës.