Kolegji Zgjedhor rrëzon kërkesën e PD dhe LSI për përsëritjen e votimit në qarkun Fier

Edhe padia për qarkun e Fierit, nuk pati asnjë ndryshim nga paditë për qarqet e tjera dhe Kolegji Zgjedhor ka vendosur rrëzimin e kërkesës së PD për të përsëritur zgjedhjet.

Trupa e 5 anëtarëve të Kolegjit Zgjedhor e cilësoi si ta pambështetur në ligj kërkesën e PD dhe vendosi të lërë në fuqi vendimin e KAS, duke vulosur kështu rezultatin e zgjedhjeve të 25 prillit në këtë qark.

Pa u shqyrtuar tashmë, ka mbetur vetëm qarku i Elbasanit, që pritet të vendoset sot pasdite.

Pak ditë më parë Kolegji Zgjedhor rrëzoi kërkesën e Partisë Demokratike për përfshirjen e provave të reja në shqyrtimin e padisë për zgjedhjet në qarkun e Tiranës.

Gjithashtu, ky institucion gjyqësor rrëzoi edhe kërkesën e PD-së për përjashtimin e 7 gjyqtarëve nga procesi i shqyrtimit të padive për zgjedhjet e 25 prillit.

LEXONI GJITHASHTU:

Kolegji Zgjedhor shqyrton kërkesat e PD për përsëritjen e zgjedhjeve në Shkodër e Korçë

Kolegji Zgjedhor rrëzon ankimimet e PD-së dhe Boiken Abazit për qarkun Tiranë

Kolegji Zgjedhor rrëzon kërkesën e PD-së për përjashtim të 7 gjyqtarëve