VIDEO/ Rama takim me ministrat Lamallari dhe Gogu dhe 3 zv/ministrat e Brendshëm në Vilën 30

Kryeministri Edi Rama zhvilloi këtë të martë një takim në Vilën 30 me ministrin e Brendshëm, Besfort Lamallari. Takimi nisi në orën 09:00, ndërsa në orën 10:15 në të njëjtat ambiente mbërriti edhe ministri i Drejtësisë, Toni Gogu. Në takimin e Kryeministrit Edi Rama morën pjesë edhe tre zv/ministrat e Brendshëm, Silva Caka, Xhemal Qefalia dhe Anisa Ruseti ndërsa detaje të tjera nuk janë bërë ende të ditura.

Ky takim vjen dy ditë pas protestës së opozitës ndërsa sot po zhvillohet gjithashtu faza e intervistave për kandidatë për Drejtor të Përgjithshëm të Policisë së Shtetit. Komisioni i krijuar në Ministrinë e Brendshme, i përbërë nga zv/ministrja Silva Caka, sekretarja e Përgjithshme Kledia Ngjela dhe kreu i AMP-së Eduart Merkaj, ka vlerësuar dosjet e kandidatëve.

Për këtë post kanë aplikuar 16 kandidatë, përfshirë dy gra që nuk ishin pjesë e Policisë së Shtetit: Ejona Gurbardhi dhe Suela Sulkaj, të cilat u skualifikuan pas verifikimit paraprak.

Lista e kandidatëve:

• Afrim Tafa
• Alfred Çepe
• Arjanit Arapi
• Elidon Çela
• Gentian Berberi
• Gentjan Shehaj
• Idajet Faskaj
• Lorenc Panganika
• Neritan Nallbati
• Pëllumb Seferi
• Rebani Jaupi
• Saimir Boshnjaku
• Skënder Hita
• Tonin Vocaj