Nënë e bijë humbën jetën pas një dreke, autoritetet italiane hapin hetimet për vrasje

Prokurorët italianë kanë hapur një hetim për vrasje pas vdekjes së një nëne dhe vajzës së saj adoleshente pas një vakti para Krishtlindjeve vitin e kaluar.

15-vjeçarja, Sara Di Vita dhe nëna e saj 50-vjeçare, Antonella Di Ielsi u sëmurën pas një dreke në qytetin e tyre të lindjes, Pietracatella në juglindje të Romës. Babai i Sarës, Gianni u dërgua gjithashtu në spital, por më vonë u shërua. Vajza e madhe e çiftit nuk ishte aty atë ditë.

Fillimisht, mjekët ia atribuan simptomat helmimit nga ushqimi, por fokusi i ri vjen pasi testet laboratorike zbuluan praninë e një helmi vdekjeprurës, ricinës. Mjekët dyshojnë se infeksioni kishte origjinën nga peshqit ose kërpudhat.

Dr. Vincenzo Cuzzone, kreu i njësisë së kujdesit intensiv në spitalin Cardarelli në Campobasso u tha mediave italiane se dështimi i mëlçisë ndodhi i pari dhe u pasua shumë shpejt nga dështimi i shumë organeve.

Vdekjet e Di Vita-s dhe Di Ielsi-t fillimisht iu atribuan neglizhencës mjekësore dhe mjekët që i nxorën nga spitali u vunë nën hetim për vrasje të paqëllimshme. Ata publikuan rezultatet e testeve të kryera në laboratorë në Itali dhe Zvicër.

Ricina, një kimikat shumë toksik, është një helm që gjendet natyrshëm në fasulet e ricinit. Gëlltitja e një sasie të vogël mund të shkaktojë dështim të shpejtë të organeve dhe të çojë në vdekje. Nuk ka asnjë antidot të njohur për helmimin nga ricina.