Identifikohet pronari i qenit që kafshoi 4-vjeçaren në Vlorë, çfarë deklaroi para policisë

Policia e Shtetit njofton se ka identifikuar pronarin e qenit që kafshoi në kokë një vajzë katërvjeçare në Vlorë. Pas hetimeve, rezultoi se pronari është një shtetas 87-vjeçar, i cili është marrë në procedim penal në gjendje të lirë.

Gjatë marrjes në pyetje, i moshuari ka deklaruar se pitbulli mbahej zakonisht i lidhur brenda banesës, por sipas tij qeni ka këputur zinxhirin dhe ka dalë jashtë, duke shkaktuar sulmin ndaj vajzës.

Të gjitha materialet proceduriale janë dorëzuar në Prokurori, e cila do të vendosë mbi masat dhe përgjegjësinë për këtë ngjarje tragjike.

Kujtojmë se ngjarja e rëndë ndodhi mesditën e së martës dhe tronditi qytetarët e Vlorës, pasi një qen i llojit pitbull sulmoi dhe kafshoi në kokë një vajzë katërvjeçare në Lungomare.

Njoftimi i policisë

“U referuan materialet në Prokurori, ku nisi procedimi penal për shtetasin H. B., 87 vjeç, banues në Vlorë, pasi në lagjen “10 Korriku”, qeni i tij i racës Pitbull ka kafshuar një 4-vjeçare, e cila mori mjekim në spital dhe ndodhet jashtë rrezikut për jetën. Qeni u mor në dorëzim nga shërbimi i mbrojtjes së kafshëve pranë Bashkisë Vlorë”, thuhet në njoftim.