Të shtënat në Kurbin, reagon policia: Identifikohen autorët, vijojnë kontrollet për kapjen e tyre

Policia ka dalë me një njoftim lidhur me të shtënat e regjistruara në qytetin e Laçit. Në njoftim bëhet me dije se rreth orës 18:55 në afërsi të hyrjes së qytetit të Laçit është qëlluar me armë zjarri në drejtim të një automjeti në lëvizje.

Nga të shtënat fatmirësisht nuk ka të lënduar. Policia shton se janë identifikuar autorët e dyshuar: një baba dhe dy djemtë e tij. Ata janë identifikuar si Pren Gjoka, Henrik Gjoka dhe Paris Gjoka.

Njëri prej djemve dyshohet se ka qëlluar me armë zjarri në drejtim të automjetit. Autoritetet po vijojnë kontrollet për kapjen e tyre.

“Kurbin/Informacion paraprak. Rreth orës 18:55, në afërsi të hyrjes së qytetit të Laçit, në rrethana ende të paqarta, është qëlluar me armë zjarri në drejtim të automjetit me të cilin lëvizte shtetasi M. N.
Nga të shtënat nuk ka shtetas të dëmtuar.

Nga veprimet e shpejta janë identifikuar autorët e dyshuar: shtetasi P. Gj. dhe dy djemtë e tij, shtetasit H. Gj. dhe P. Gj. (njëri prej tyre dyshohet se ka qëlluar me armë zjarri në drejtim të automjetit), ndërsa vijojnë kontrollet për kapjen e tyre.

Grupi hetimor ndodhet në vendngjarje dhe po punon për sqarimin e rrethanave të rastit dhe dokumentimin e plotë të rastit”, njofton policia.