KLP vendosi pezullimin nga detyra të prokurorit të Sarandës, Sali Hasa

Këshilli i Lartë i Prokurorisë vendosi që prokurori i Sarandës, Sali Hasa të pezullohet nga detyra.

Vendimi u mor me votë unanime, për shkak të masës së sigurisë “arrest me burg” që është dhënë të hënën pranë Gjykatës së Shkallës së Parë kundër Korrupsionit dhe Krimit të Organizuar.

Pezullimi zgjat deri në rënien e shkakut për të cilin është vendosur ky pezullim. Kundër këtij vendimi mund të bëhet ankimim në Gjykatën Administrative të Apelit.

Sali Hasa ra në pranga të shtunën, së bashku me katër persona të tjerë. Mbi të rëndon akuza për korrupsion pasiv ndaj funksionarëve të drejtësisë.

LEXONI GJITHASHTU:

Në pranga prokurori i Sarandës, akuzohet për korrupsion ndaj funksionarëve të drejtësisë

Korrupsion dhe trukim ndeshjesh, GJKKO lë në burg prokurorin e Sarandës dhe 4 të tjerë