Negociatat me Shqipërinë dhe RMV-në, nisin diskutimet në Këshillin e Çështjeve të Përgjithshme të BE-së

Këshilli i Çështjeve të Përgjithshme të Bashkimit Europian është mbledhur sot në Luksemburg, ku mes të tjerash do të diskutohet për procesin e zgjerimit.

Pak para nisjes së takimit, ministrja e Jashtme e Portugalisë, Ana Paula Zacarias, e cila kryeson takimin, u shpreh se do të diskutohet se në cilat pika janë vendet kandidate sikundër Shqipëria dhe Maqedonia e Veriut.

Ndërsa, ministri gjerman për Evropën, Michael Roth u shpreh se në Këshillin e Ministrave të BE-së do të diskutohet për fillimin e shpejtë të bisedimeve për integrimin e Shqipërisë dhe Maqedoninë e Veriut dhe se vendimet e nevojshme janë nën hije nga konfliktet dypalëshe.

Sikundër thuhet në agjendën e Këshillit Europian, ministrat do të shkëmbejnë mendime mbi zgjerimin dhe procesin e stabilizimit dhe asocimit, përpara konferencave ndërqeveritare me Serbinë dhe Malin e Zi që do të zhvillohen në të njëjtën ditë.

Takimi i sotëm pason mbledhjen e Këshillit Europian në 24 dhe 25 qershor të këtij viti.

LEXONI GJITHASHTU:

• Negociatat me BE-në, Zaev vizitë zyrtare në Bullgari
• Negociatat me BE, Elezi: Pengesë për Shqipërinë mund të bëhet mosmarrëveshja RMV-Bullgari
• Negociatat me BE, kryenegociatori Zef Mazi takime në Luksemburg