Ndalohen dy persona në Kosovë, dyshohet se grisën fletët e votimit

Dy persona janë ndaluar nga Policia e Kosovës dhe janë dërguar në mbajtje për 48 orë, pasi dyshohet se kanë grisur fletët e votimit gjatë procesit zgjedhor në Prishtinë dhe Drenas.

Rastet janë konfirmuar nga Policia e Kosovës, e cila bën me dije se bëhet fjalë për dy incidente të ndara, ku në të dyja rastet personat e dyshuar kanë dëmtuar fletëvotimet duke i shqyer.

“Deri tani në rajonin e Prishtinës janë hapur dy raste Asgjësim i dokumentit të votimit (në Drenas dhe në Prishtinë), ku dyshohet se nga personat e dyshuar kanë dëmtuar (shqyer) fletëvotimet. Personat e dyshuar janë dërguar në mbajtje për 48 orë, ndërkohë që veprimet hetimore po kryhen në koordinim me prokurorinë”, deklaroi për “Express” zëdhënësja e Policisë për Rajonin e Prishtinës, Flora Ahmeti.

Hetimet për të dy rastet janë duke vazhduar në koordinim me prokurorinë kompetente.