Protesta qytetare në Tiranë, nis tubimi i 22-të para Kryeministrisë

Kryeministri Edi Rama ka publikuar një video ku përmbledh një pjesë të madhe të influencerëve që kanë folur për protestën në rrjete sociale.

“Rama në postimin e tij në “Facebook” ka shkruar: PAK RELAKS me “Shqipërinë e re” të llajkefollouve të gunës????????????????
Ne kemi Shqipërinë 2030 në BE të shqiptarëve të punës????????????”

Kreu i Partisë Demokratike, Sali Berisha, e konsideroi grisjen e flamurit të Izraelit një akt kriminal dhe kërkoi ndëshkimin e autorit.

Me anë të një postimi në Facebook, Berisha shprehet se ky veprim është “një akt kriminal ekstremist, antisemit që bie ndesh me ndjenjat dhe lidhjet tradicionale që bashkojnë dy kombet dhe dy vendet tona”

“Partia Demokratike dënon me forcën më të madhe grisjen e flamurit të Izraelit të ngritur në ambasadën e këtij vendi si një akt kriminal ekstremist, antisemit që bie ndesh me ndjenjat dhe lidhjet tradicionale që bashkojnë dy kombet dhe dy vendet tona dhe kërkon ndëshkimin e merituar ligjor të autorit”, shkruan Berisha në rrjetet sociale.

Kryetari i Partisë Demokratike, Sali Berisha, ka reaguar ndaj deklaratave të kryeministrit Edi Rama pas protestës së së shtunës të zhvilluar në Tiranë, duke thënë se kreu i qeverisë e ka përjetuar atë si një “Vaterlo personale”.

Përmes një videomesazhi, Berisha u shpreh se protesta e qytetarëve, rinisë dhe diasporës përbën një moment historik, ndërsa sipas tij Rama e ka përjetuar atë si një disfatë të rëndë politike dhe i kërkoi kreut të qeverisë të largohet sa më parë.

“Largohu sa më parë nga detyra dhe prit verdiktin e drejtësisë, e cila vonon, por nuk harron”, deklaroi kreu i Partisë Demokratike.

Sipas kreut të PD-së, protesta e zhvilluar para Kryeministrisë dhe pjesëmarrja e lartë e qytetarëve tregojnë nivelin e pakënaqësisë ndaj qeverisë.

“Edi Rama duket se protestën e gjysmë milioni shqiptarëve dhe rrethimin e ngjeshur të Kryeministrisë e ka përjetuar si Vaterlonë e tij. Ky gjysmë i prishur nga protesta epike e gjysmë milioni shqiptarëve të mbledhur nga të katër anët e Shqipërisë dhe të katër anët e dheut, në fakt kërcënoi protestuesit me masakra dhe me përgjakje”, u shpreh Berisha.

Duke iu referuar krahasimeve letrare të përdorura nga Rama, Berisha e krahasoi kryeministrin me personazhin Tenardie të Viktor Hygoit.

“Një lloj si Tenardie, Edi Rama vjedh dhe ka vjedhur këtë kohë popullin më të varfër. Ka vjedhur votën, fondet publike, ilaçet e të sëmurëve, pasuritë publike dhe shpresën e shqiptarëve”, tha ai.

Ditmir Bushati është një tjetër figurë nga radhët e PS që ka dalë në mbështetje të protestave në Tiranë.

Ish-ministri i Jashtëm ka postuar këtë të diel foto nga protesta e ditës së 21-të, ndërsa shkruan se qytetarët nuk janë të nxitur nga faktorë të jashtëm, por janë shqiptarë të revoltuar për gjendjen në vend.

“Nuk janë të nxitur nga Irani, as nga algoritmet, e aq më pak të humbur në qëllimet e tyre. Janë shqiptarë të revoltuar nga trajtimi i atdheut si plaçkë. Të vetëdijësuar për pasojat e aleancës së dëmshme mes politikës, oligarkisë, medias dhe krimit të organizuar. Janë qytetarë që besojnë se Shqipëria meriton më shumë: më shumë drejtësi, më shumë dinjitet, më shumë shpresë dhe më shumë mundësi për të gjithë”, shkruan ai.

Sipas Bushatit, çdo ditë që kalon e forcon bindjen se “Shqipëria e Re” nuk është thjesht një aspiratë, por një kapitull i pashmangshëm.

“Ky është një moment që kërkon reflektim të thellë, urtësi dhe përgjegjësi”, përfundon reagimi i tij.

Banorë të Nivicës, Shën Vasilit, pronarë të tokave në Kakome, të mbërritur nga qytete të ndryshme të vendit dhe emigrantë kanë protestuar këtë të diel në Kakome.

Ata kanë shembur rrethimin që prej 22 vitesh, sipas tyre, mbante të izoluar një prej pasurive më të mëdha natyrore të zonës dhe nuk i lejonte të shkonin në tokat e tyre apo pushuesit vendas dhe të huaj të frekuentonin plazhin.

Në intervistat e tyre, protestuesit shprehen se kanë ardhur në mbështetje të kësaj kauze që e cilësojnë kombëtare, ndërsa theksojnë se qëllimi i tyre është rikthimi i aksesit në pronat e tyre.

Ata thonë se janë aty për të kundërshtuar, siç shprehen, zaptimin e tokave dhe për t’i dhënë fund, sipas tyre, një situate që ka zgjatur prej vitesh.

“Ne jemi këtu për të rrëzuar çdo pengesë që na ka ndaluar të shkojmë në tokat tona. Sot sovrani foli dhe dha verdiktin e tij”, shprehen banorët.

Ata shtojnë se shembja e rrethimit në Kakome ka një domethënie të madhe për ta dhe paralajmërojnë vijimin e protestës.

Sipas tyre, do të jenë në mbështetje të çdo proteste që e cilësojnë kombëtare dhe nuk do të lejojnë më, siç thonë, që tokat e tyre të mbeten të zëna.

Këto janë pamjet e momenteve kur një vajzë e maskuar ka shkulur flamurin e Izraelit në Ambasadën e këtij shteti në Tiranë gjatë orarit kur po mbahej protesta e 21-të në kryeqytet.

Në lidhje me ngjarjen ka reaguar edhe Ministria për Evropën dhe Punët e Jashtme, e cila e ka dënuar me forcë aktin, duke theksuar se veprime të tilla nuk kanë asnjë lidhje me lirinë e shprehjes apo të drejtën për protestë paqësore, por përbëjnë shfaqje të urrejtjes dhe intolerancës.

“Ministria për Evropën dhe Punët e Jashtme e Republikës së Shqipërisë dënon me forcë heqjen dhe përdhosjen e flamurit të Ambasadës së Shtetit të Izraelit në Tiranë nga protestues të maskuar gjatë protestës së mbrëmshme”, thuhet në njoftim.

Sipas MEPJ, këto veprime janë të papajtueshme me vlerat demokratike dhe standardet evropiane, si dhe me parimet e respektit dhe bashkëjetesës që karakterizojnë shoqërinë shqiptare.

“Veprime të tilla janë shfaqje të urrejtjes dhe nxitjes së saj dhe janë krejtësisht të papajtueshme me parimet e respektit dhe bashkëjetesës që Shqipëria i ka në themel”, theksohet në reagim.

Po ashtu, për ngjarjen reagoi edhe ambasadorja e Izraelit në Tiranë, Galit Peleg. Në një postim në rrjetin social X, Peleg tha se akti cenon dinjitetin e popullit shqiptar dhe trashëgiminë e tij krenare.

“Mbrëmë në Tiranë, protestues hoqën flamurin izraelit dhe e grisën atë mes brohoritjeve të turmës së mbledhur në vendngjarje. Si ambasadore e një shteti demokratik, unë besoj në të drejtën e popullit shqiptar për të ushtruar të drejtën e tij qytetare për të protestuar. Megjithatë, një akt i tillë jo vetëm që nuk i shërben kauzës së protestës publike, por gjithashtu cenon dinjitetin e popullit shqiptar dhe trashëgiminë e tij krenare. Falenderoj ministrin Hoxha për dënimin e menjëhershëm dhe të qartë të këtij akti”, shkroi ajo.

Ministria për Evropën dhe Punët e Jashtme e Republikës së Shqipërisë ka reaguar për mediat, duke bërë me dije se gjatë protestës së së shtunës, disa persona të maskuar kanë hequr dhe kanë përdhosur flamurin e Shtetit të Izraelit në Ambasadën e Izraelit në Tiranë.

Në reagim, Ministria dënon me forcë aktin, duke theksuar se veprime të tilla nuk kanë asnjë lidhje me lirinë e shprehjes apo të drejtën për protestë paqësore, por përbëjnë shfaqje të urrejtjes dhe intolerancës.

“Ministria për Evropën dhe Punët e Jashtme e Republikës së Shqipërisë dënon me forcë heqjen dhe përdhosjen e flamurit të Ambasadës së Shtetit të Izraelit në Tiranë nga protestues të maskuar gjatë protestës së mbrëmshme”, thuhet në njoftim.

Sipas MEPJ, këto veprime janë të papajtueshme me vlerat demokratike dhe standardet evropiane, si dhe me parimet e respektit dhe bashkëjetesës që karakterizojnë shoqërinë shqiptare.

“Veprime të tilla janë shfaqje të urrejtjes dhe nxitjes së saj, dhe janë krejtësisht të papajtueshme me parimet e respektit dhe bashkëjetesës që Shqipëria i ka në themel”, thuhet në reagim.

Ministria thekson gjithashtu se Shqipëria mbetet e angazhuar për mbrojtjen e misioneve diplomatike dhe simboleve të tyre, në përputhje me Konventën e Vjenës për Marrëdhëniet Diplomatike.

Në reagim shprehet edhe solidariteti me Ambasadën e Shtetit të Izraelit, ndërsa theksohet se dhuna, intimidimi dhe gjuha e urrejtjes nuk do të kenë vend në një shoqëri demokratike.

Po ashtu, për ngjarjen reagoi edhe ambasadorja e Izraelit në Tiranë, Galit Peleg. Në një postim në rrjetin social X, Peleg tha se akti cenon dinjitetin e popullit shqiptar dhe trashëgiminë e tij krenare.

“Mbrëmë në Tiranë, protestues hoqën flamurin izraelit dhe e grisën atë mes brohoritjeve të turmës së mbledhur në vendngjarje. Si ambasadore e një shteti demokratik, unë besoj në të drejtën e popullit shqiptar për të ushtruar të drejtën e tij qytetare për të protestuar. Megjithatë, një akt i tillë jo vetëm që nuk i shërben kauzës së protestës publike, por gjithashtu cenon dinjitetin e popullit shqiptar dhe trashëgiminë e tij krenare. Falenderoj ministrin Hoxha për dënimin e menjëhershëm dhe të qartë të këtij akti”, shkroi ajo.

Duke folur nga podcast-i i tij, kryeministri Edi Rama u ndal përsëri te protestat, ndërsa tha se një betejë botërore kundër presidentit të Shteteve të Bashkuara Donald Trump u spostua në Nartë.

Rama tha se kjo solli kushtet që të krijohej një revolucion imagjinar, ndërsa theksoi se disa partiçka, sipas tij, tentuan të përfitonin nga kjo.

“Flamingot nuk kanë nevojë për turma të rrëmbyera nga histeria e algoritmit dhe të nxitura nga interesa të tjera që nuk janë fare interesat tona, nuk janë fare interesat e Shqipërisë, në një betejë të globalizuar, jo se bota papritur u zgjua e alarmuar për fatin e flamingove, por se bota spostoi në Nartë një betejë të madhe kundër Presidentit të Amerikës për arsye që nuk kanë të bëjnë fare me Nartën dhe gjithë kjo urrejtje dhe ky mllef, dhe ky zemërim që ka natyrë politike, ideologjike, çfarë të doni, arsye që s’na interesojnë, krijoi kushtet që të hapej edhe një kanal, një revolucion imagjinar për ata që menduan gabimisht se u bë deti kos për lugën e ndryshkur të karrierave të tyre politike apo për partiçkat e tyre të reja, që u bënë shumë shpejt të vjetra, të vogla, që duan të rriten duke hedhur gurë, duke fshehur duart, duke nxjerrë një dorë, duke mbuluar një dorë tjetër. Unë jam këtu, ne jemi këtu për të bërë së bashku më të mirën për Shqipërinë, për natyrën, për Zvërnecin, për flamingot, por ama për të bashkëpunuar me realitetin, jo jashtë realitetit. Për të ndarë së bashku faktet dhe jo për të fluturuar në një territor ku faktet nuk kanë asnjë vlerë. Dhe mbi të gjitha për të diskutuar për një projekt, i cili ende nuk është gati dhe për t’u marrë me mënyrën se si projekti mund të bëhet sa më i shkëlqyer dhe jo për ta rrëzuar, ndërkohë që ai është në lindje e sipër. Çdo gjë tjetër e keni mësuar nga burimet e tjera të lajmeve, nëse keni mësuar, por edhe në mos e paçi mësuar akoma, është më pak e rëndësishme sesa prezantimi me Fabrice del Dongo.”, tha Rama.

Kryeministri Edi Rama tha se shumë qytetarë mendojnë se po mbrojnë flamingot, Zvërnecin apo Shqipërinë, por në realitet, sipas tij, po mbrojnë interesa të dikujt tjetër, për të cilat interesat e vendit nuk kanë asnjë vlerë.

Sipas Ramës, njerëzit shpesh besojnë se po luftojnë për diçka fisnike, ndërkohë që në fakt bëhen pjesë e një beteje që nuk është më e tyrja.

“Mund të bëjë një kapërcim të ëndërrt pa gjykuar më mbi faktet, por mbi një version faktesh që i serviret pa pushim në ekranin e celularit, duke u bërë pjesë e një historie të ndërtuar, të montuar dhe të amplifikuar, që të krijon ndjesinë se je pjesë e një komuniteti më të madh dhe nuk je më vetëm. Prandaj sot ka shumë njerëz që dalin në protesta me bindje të sinqerta, që mendojnë se po mbrojnë natyrën, flamingot apo një pasuri që u përket të gjithëve. Gjithçka është fisnike dhe meriton respekt si qëllim, por pyetja është: po e mbrojnë nga kush? Nga unë, nga ne? Ne mbrojtjen e natyrës, zonat e mbrojtura, ndalimin e gjuetisë së paligjshme dhe të prerjes së pyjeve i kemi pasur dhe i kemi ende lajtmotiv të punës sonë. Prandaj thirrja ime është që, me respekt për motivin, të mos përjashtohet detyrimi për të verifikuar faktet. Sepse kur emocioni ushqehet nga gjysmë të vërteta, nga pamje të shkëputura nga konteksti dhe nga slogane që përhapen më shpejt se faktet, atëherë idealizmi dhe dëshira e sinqertë kthehen në instrument në duart e atyre që kanë interesa krejt të tjera”, tha ai.

Ashtu siç ishte paralajmëruar pas protestës masive të së shtunës, një pjesë e protestuesve, shumica e tyre të ardhur nga diaspora, zgjodhën ta kalonin natën në sheshin para Kryeministrisë. Pasi zhvilluan marshime rreth godinës së Kryeministrisë dhe Piramidës së Tiranës, disa prej tyre qëndruan në bulevardin “Dëshmorët e Kombit” deri në mëngjes, ashtu siç shihet dhe në këtë foto të bërë rreth orës 07:00 të mëngjesit.

Gjatë të shtunës në ditën e 21-të të saj pjesë e protestës u bë edhe diaspora shqiptare, me shumë emigrantë që mbërritën në Tiranë me automjetet e tyre të stolisura me flamuj kuqezi.

Prej 21 ditësh, protestuesit kërkojnë dorëheqjen e kryeministrit Edi Rama dhe largimin e qeverisë së tij.

Ndërkohë, ndryshe nga netët e tjera, protestuesit nuk marshuan në rrugët e kryeqytetit, por zhvilluan një marshim rrethues rreth godinës së Kryeministrisë, përpara se të vendosnin të qëndronin gjatë natës në shesh.

Kjo e diel shënon ditën e 22-të të protestës në Tiranë, ndërsa ndryshe nga ditët e tjera, disa prej protestuesve mëngjesi i gjeti aty pasi e gdhinë në bulevard.

Po ashtu, për herë të parë në këtë të diel në zonën para godinës së Kryeministrisë ndodhet një numër më i vogël qytetarësh edhe në orët e paradites, ndryshe nga zakonisht, të cilët kanë vendosur edhe dy çadra dielli dhe po qëndrojnë në pritje të grumbullimit më të madh që bëhet në orët e mbrëmjes.

Në shkallët e Kryeministrisë, ndërkohë, janë vendosur dhe stivosur një numër i madh këpucësh nga protestuesit, ndërsa efektivët e policisë herë pas here u kanë bërë thirrje qytetarëve që të lirojnë hapësirat dhe të mos bllokojnë zonën.

Ata vijojnë të qëndrojnë në shesh në pritje të tubimit të përditshëm, ndërsa pritet që në orët në vijim numri i protestuesve të shtohet si në ditët e kaluara.