Seancë plenare dhe protestë para Kuvendit, qytetarët thirren të mblidhen në orën 10:00
Kuvendi do të zhvillojë sot seancën plenare, e cila është parashikuar të nisë në orën 10:00. Në të njëjtën orë, jashtë godinës së Parlamentit, është njoftuar edhe zhvillimi i një proteste nga qytetarët dhe nismëtarët e saj.
Thirrja për tubimin u bë mbrëmjen e djeshme gjatë protestës së zhvilluar para Kuvendit, ku organizatorët u kërkuan qytetarëve t’u bashkohen sërish edhe këtë paradite.
“Nesër në orën 10:00 para Parlamentit, bashkohuni me ne”, u shpreh një nga nismëtarët gjatë tubimit të djeshëm.
Ndërkohë, në rendin e ditës të seancës plenare janë parashikuar shqyrtimi i një sërë projektligjesh dhe projektrezolutash, si dhe diskutime për çështje jashtë rendit të ditës.
Rendi i ditës në seancën plenare:
Miratimi i procesverbalit të seancës plenare të datës 18 qershor 2026.
Njoftime.
Shqyrtimi i projektligjit “Për kontrollet zyrtare dhe aktivitete të tjera zyrtare, të kryera për të garantuar zbatimin e legjislacionit për ushqimin dhe ushqimin për kafshë, të rregullimeve për shëndetin dhe mirëqenien e kafshëve, si dhe për shëndetin e bimëve e të produkteve për mbrojtjen e bimëve në Republikën e Shqipërisë”.
Shqyrtimi i projektrezolutave për vlerësimin e veprimtarisë për vitin 2025 të:
Komisionerit për Mbikëqyrjen e Shërbimit Civil;
Komisionerit për të Drejtën e Informimit dhe Mbrojtjen e të Dhënave Personale;
Departamentit të Administratës Publike;
Autoritetit të Konkurrencës;
Komisionit të Prokurimit Publik;
Autoritetit për Informimin mbi Dokumentet e Ish-Sigurimit të Shtetit;
Institutit të Studimeve për Krimet dhe Pasojat e Komunizmit;
Agjencisë së Sigurimit të Depozitave.
Diskutime për çështje jashtë rendit të ditës.
Balla opozitës: PS nuk e mund dot askush, protesta mposhti PD-në
Seanca në Kuvend, rrëzohet interpelanca urgjente me kryeministrin Rama, e kërkuar nga Gazment Bardhi për protestën
Ndryshim në Komitetin Parlamentar të Stabilizim-Asociimit, largohet si anëtare Marjana Koçeku, kush e zëvendëson
- 11:02 Balla opozitës: PS nuk e mund dot askush, protesta mposhti PD-në
- 10:59 Britania propozon rregulla të reja për platformat mobile të Apple dhe Google
- 10:44 Vapa rekorde vë në provë gatishmërinë e Gjermanisë
- 10:41 Seanca në Kuvend, rrëzohet interpelanca urgjente me kryeministrin Rama, e kërkuar nga Gazment Bardhi për protestën
- 10:29 Ndryshim në Komitetin Parlamentar të Stabilizim-Asociimit, largohet si anëtare Marjana Koçeku, kush e zëvendëson
- 10:23 Kupa e Botës 2026, incidente në Hagë pas kualifikimit të Marokut ndaj Holandës