Andrea Pirlo merr drejtimin e Italisë, “Axurrët” i besojnë legjendës misionin e ringritjes

Andrea Pirlo do të jetë trajneri i ri i Kombëtares së Italisë. Federata Italiane i ka besuar ish-mesfushorit legjendar misionin për të rikthyer “Axurrët” në nivelet më të larta, duke firmosur me të një kontratë katërvjeçare.

Emërimi i tij vjen me pritshmëri të mëdha, por ka hapur edhe debat për eksperiencën e kufizuar si trajner. Pas përvojës te Juventusi, Fatih Karagumruk dhe Sampdoria, Pirlo do të përballet me sfidën më të madhe të karrierës së tij në stol.

Përtej aspektit sportiv, diskutime ka ngjallur edhe roli i tij si ambasador global i Fonbet, një prej kompanive kryesore të basteve në Rusi, bashkëpunim që ka tërhequr vëmendjen e opinionit publik.

Federata shpreson që eksperienca dhe autoriteti i Pirlos si një prej figurave më të rëndësishme të futbollit italian të shërbejnë për të rindërtuar kombëtaren dhe për ta rikthyer mes pretendenteve në arenën ndërkombëtare.