Flakët shkrumbojnë pyjet dhe shkurret e fshatit Vermosh

Prej 24 orësh zjarret kanë përfshirë shkurret dhe pyjet në fshatin Vermosh të Njësisë Administrative Kelmend, në afërsi të pikës doganore të Gerçarit.

Gazetari i Euronews Albania, Teodor Gjerga raporton se flakët e zjarrit favorizohen nga era dhe temperaturat e larta dhe situata vazhdon të përkeqësohet.

Komandanti i Repartit të Zjarrfikësve në Koplik, Besnik Hasa tha se janë dërguar në këtë zonë një zjarrfikëse dhe pesë efektivë të repartit.

Javët e fundit zjarret kanë shkrumbuar sipërfaqe me bimësi në zona të ndryshme të vendit.

Në Majën e Jankës të Njësisë Administrative të Vithkuqit, në Korçë janë djegur më shumë se dy hektarë pyje dhe shkurre.

Ndërsa, në Malin e Tomorit u shkrumbuan mbi 30 hektarë tokë.

LEXONI GJITHASHTU:

• Shkrumbohen 2 hektarë pyje dhe shkurre në Vithkuq të Korçës