Italia paralajmëron zero tolerancë për qytetarët që do të kundërshtojnë masat anti-COVID

Autoritetet italiane janë zotuar për tolerancë zero ndaj demonstruesve që mund të bllokojnë stacionet e trenave për të protestuar ndaj rregullave të reja të COVID.

Nga sot, udhëtarët që do të përdorin trenat duhet të tregojnë të ashtuquajturën “kalim jeshil”, i cili dëshmon vaksinimin, një test negativ COVID në 48 orët e fundit ose shërim nga sëmundja në gjashtë muajt e fundit.

Rregulli, i shpallur javë më parë, vlen për fluturimet e brendshme, udhëtimet me tren midis rajoneve dhe udhëtimet në det. Disa tragete janë të përjashtuara, veçanërisht ato që shërbejnë për shumë ishuj të vegjël, të cilët nuk kanë lidhje të tjera me kontinentin.

Autobusët, tramvajet dhe metrotë janë të përjashtuar nga rregulli, i cili u njoftua nga qeveria e kryeministrit Mario Draghi kur ngarkesat e përditshme të rasteve filluan të rriteshin në mënyrë të qëndrueshme pasi varianti Delta i virusit u bë i përhapur në Itali.

“Kalimi jeshil” i Italisë tashmë është duke u përdorur për ata që duan të hanë darka në ambiente të mbyllura, të shkojnë në palestra ose të marrin pjesë në koncerte.

Deri më tani, rreth 70% e banorëve të Italisë mbi 12 vjeç janë vaksinuar plotësisht. Por, ekspertët kanë shprehur shqetësimin se shumë njerëz në grupmoshën 50-69 vjeç nuk kanë marrë vaksina dhe as nuk janë regjistruar për to.

LEXONI GJITHASHTU:

• Rokadë në qeverinë greke, pas situatës me zjarret, kryeministri shkarkon ministrin e Mbrojtjes Civile
• Qytetarët në Bruksel mund të marrin një dozë të vaksinës anti-COVID në supermarkete
• Gjigandët e teknologjisë shpenzojnë më shumë se kushdo për lobim në BE, sipas studimit