A cenohet Kodi Zgjedhor me rritjen e pagave? Celibashi komenton vendimet e qeverisë

Kreu i KQZ Ilirjan Celibashi në lidhje me premtimin që dha kreu i qeverisë Edi Rama për rritjen e pagave mesatare ndërkohë që në 14 maj  mbahen zgjedhjet lokale.

Celibashi në një komunikim me gazetarët tha se Kodi Zgjedhor parashikon ndalime vetëm për rastet e zgjedhjeve parlamentare.

“Një gjë mund të them dhe s’kam pse ta fsheh që në përgjithësi Kodi Zgjedhor ka ndalime për vendimmarrje të caktuara të institucioneve vetëm 4 muaj para zgjedhjeve deri në krijimin e qeverisë së re. Janë disa ndalime që lidhen vetëm me rastet e zgjedhjeve të përgjithshme. Disa kufizime janë të qarta për rastet e zgjedhjeve për Kuvendin e Shqipërisë”, tha Celibashi.

Kryekomisioneri Ilirjan Celibashi ka bërë me dije se deri më  tani në KQZ janë dorëzuar 832 lista për këshillat bashkiakë.

Në një komunikim me gazetarët ai theksoi se aktualisht janë 147 kandidatë për kryetarë bashkie.

Në total sipas kryekomisionerit janë 22 mijë e 607 kandidatë për këshillat bashkiak dhe kryetarë bashkie.

LEXONI GJITHASHTU: 

• Dogjën të gjallë një person në Dajt për borxhin, prokuroria mbyll hetimet
• Celibashi: 147 kandidatë për kryetarë bashkie, janë dorëzuar 832 lista për këshillat