A dihet emri i presidentit? Përgjigjet Taulant Balla

Shqiptarët do të mësojnë të shtunën emrin e presidentit, por a e dinë Edi Rama dhe socialistët këtë emër?

Kreu i grupit parlamentar të PS-së, Taulant Balla thotë jo. Sidoqoftë ai u shpreh se ekziston një listë me emra të përzgjedhur, short list, siç e cilëson ai.

“Po ta kishim emrin nuk kishim nevojë të thërrisnim as kryesinë e Partisë Socialiste dhe as grupin parlamentar. Janë dy organe kolegjiale sipas hierarkisë, kryesia është organi më i lartë vendimmarrës i Partisë Socialiste, pastaj është dhe grupi parlamentar që do të votojë në seancë plenare, ose që do të garantojë të paktën 74 vota për presidentin e ardhshëm,” – u shpreh ai në NOW me Erla Mëhillin.

Balla theksoi se edhe në zgjedhjet e viteve të ardhshme për president do të ishte shumë mirë sikur në tre raundet e para të propozonte opozita emra, por jo si kjo opozitë.

LEXONI GJITHASHTU:

• Balla për presidentin: I qëndruam marrëveshjes me opozitën