A do arrestohet Ahmetaj? Juristja shpjegon çfarë po ndodh pas dyerve të SPAK

Brikena Kasmi, ish-zv.ministre e Drejtësisë tha në emisionin Now në Euronews Albania se rasti i Arben Ahmetajt është trumbetuar shumë në media, por duhet ndarë pjesa politike nga ajo juridike.

Sipas saj, Ahmetaj është thënë se akuzohet për inceneratorët, por arrestimi i tij nuk i intereson publikut duke qenë se pagesat për inceneratorët vijojnë të bëhen.

“Duhet përshëndetur SPAK që të paktën prej 2021 po merret me subjekte të nivelit të lartë. Në rastin e akuzave, kur duam ta shpëtojmë dikë i japim shumë akuza. Do t’i përjashtoj pa e lexuar dosjen; që të ketë pastrim parash duhet që Ahmetaj të ketë një veprimtari kriminale. Duhet të vërtetohet korrupsioni, që po mbush 10-vjeçarin për Ahmetajn, pasi ka qenë zv.kryeministër dhe njeriu më i rëndësishëm i qeverisë”, tha Kasmi.

LEXONI GJITHASHTU:

• Spahiu: Ahmetaj rrezikon 10 vjet pas hekurave, ja ku ndryshon me Saimir Tahirin
• Spahiu: Arben Ahmetaj do arrestohet kur Rama të jetë Britani, ja skema që do ndiqet