A do i kërkoni Bashës ndjesë publike për akuzat për paratë ruse? Përgjigjet Berisha

Kreu i PD-së Sali Berisha tha se në mënyrë të përsëritur ka mohuar dosjen ruse, teksa u pyet se nëse do i drejtohet Lulzim Bashës me një ndjesë publike nëse rezulton se ky i fundit se nuk është pjesë e lobimit rus.

Në një deklaratë për mediat ai tha ndër të tjera se i ka kërkuar Bashës të deklarojë se nga është burimi i parave të marra vite më parë

“Nëse ka njeri që ka mohuar dosjen ruse në mënyrë të fuqishme e të përsëritur ambasadorit dhe të dërguarit të SHBA ka qenë Sali Berisha. Për katër vite kam hedhur poshtë lobimin rus. Në prill të vitit 2022 I deklarohet Lulzim Bashës se ka futur duart thellë në xhepat rusë, ndërkohë ndërhynë Engjëll Agaçi dhe bllokon dosjen. Më erdhën mesazhe nga bashkë atdhetarët tanë në SHBA ku më njoftuan se nuk kanë dhënë asnjë qindarkë për “Muzin” por kemi firmosur për të ndihmuar PD-në. Pasi kam marrë informacionet atëherë kam deklaruar se burimi i parave mund të jetë rus dhe i kam kërkuar Bashës të deklarojë burimin e parave”- tha Berisha.

LEXONI GJITHASHTU: 

• Kremlini: SBBA e ka çelësin për t’i dhënë fund luftës në Ukrainë, por s’po e përdorë
• “Rama është nisur te padrinoja”- Berisha: Shqipëria do shpërthejë nga fuqia qytetare