“A do të jeni kandidat për kryeministër në 2025?”- Ja si përgjigjet Gazment Bardhi
Kryetari i Grupit Parlamentar të Partisë Demokratike, Gazment Bardhi, është shprehur se në çdo pozicion që të jetë brenda PD-së, do të bëjë maksimumin për fitoren e kësaj force politike.
Komentet Bardhi i bëri në një lidhje për Euronews Albania, ku u pyet nëse do të ishte ai kandidati për kryeministër nga PD për zgjedhjet e vitit 2025.
Bardhi tha se nuk kishte asnjë shqetësim në raport me emrin se kush do të ishte kandidati për kryeministër, por shtoi se ende nuk ka një vendimmarrje të organeve të partisë.
Ai shtoi se PD duhet të nisë një proces të gjerë të riorganizimit të strukturave dhe përgatitjes së tyre për zgjedhjet e vitit 2025.
“Uroj që grupi i Bashës të ketë një qëndrim sa më parë. Nuk kam një mesazh specifik për Bashën, pra nuk e dalloj atë nga kolegët e tjerë. Ajo që thashë për deputetët e tjerë, vlen edhe për Bashën.
Nuk kemi pasur diskutime mbi kandidatin për kryeministër. Do të duhet të nisim një process gjithëpërfshirës të reformimit të gjithë strukturave të partisë dhe të bërjes gati të tyre për zgjedhjet e ardhshme parlamentare.
Ky process do të duhet të shërbejë edhe si një momentum për të afruar dhe për t’i njohur kontributin cilitdo që ka qenë i larguar nga kjo shumica dërrmuese brenda PD. Për t’i dhënë atyre atë që i takon në bazë të kontributit disa vjeçar në PD dhe për t’i përfshirë secilin prej tyre në të vetmen betejë që kemi përpara, atë që të mundim Edi Ramën.
Tani është qartësuar nga të gjitha pikëpamjet, edhe politike edhe ligjore se ku është PD. Nuk kam asnjë shqetësim ne raport me kë shoh apo nuk shoh si kandidat për kryeministër. Në çdo pozicion që të jetë Gazment Bardhi, edhe në atë të anëtarit të thjeshtë, do të bëjë maksimumin për fitoren e PD”, tha Bardhi.
LEXONI GJITHASHTU:
Karamuço komenton protestën te Parlamenti: Nuk duhet kaluar kufiri drejt destabilizimit të vendit
Eurostat publikon shifrat, sa ishte numri i shqiptarëve të kthyer nga vendet e BE-së në tremujorin e parë të vitit
INSTAT: Udhëtimet jashtë vendit u rritën me 14.3%, Italia dhe Greqia destinacionet më të preferuara të shqiptarëve
- 07:49 Franca “shkatërron” Suedinë 3-0, siguron kualifikimin në raundin e 16-të të Botërorit
- 07:42 Raporti Financiar 2025: Donald Trump fitoi mbi 1 miliard dollarë nga biznesi i kriptomonedhave
- 07:36 Rrëzohet vendimi i Trump, Gjykata Supreme: Fëmijët e lindur në SHBA do të marrin shtetësinë direkte
- 07:29 Meksika mposht Ekuadorin, i jep fund pritjes 40-vjeçare për një fitore në fazën me eliminim direkt
- 07:25 Një tërmet i fortë godet Meksikën, sa ishte magnituda?
- 22:32 Vala e të nxehtit ekstrem godet Italinë, pesë viktima në 24 orët e fundit