A do të ketë masa ndaj Kosovës? Escobar raporton sot te Biden mbi situatën në Veri

I derguari i SHBA-ve për Ballkanin Perëndimor Gabriel Escobar raporton sot në Shtëpinë e Bardhë rreth diskutimeve që ka pasur në Kosovë dhe Serbi me Albin Kurtin dhe Aleksandër Vuçiçin. Kjo u bë e ditur nga vetë Escobar pak ditë më parë në një komunikim me gazetarët.

Escobar, u ka berë të ditur bashkëbiseduesve të tij në Kosovë dhe Serbi  se e premtja është afati kur do të raportojë në Shtëpinë e Bardhë për procesin e de-eskalimit të situatës në Veri dhe nga ky raportim do te pasojnë dhe  vendimet e mëtejshme.

“Pas kësaj vizite, ne do të pyetemi nga Shtëpia e Bardhë, të premten, për te dhënë një përditësim mbi atë që po ndodh. Dhe unë duhet të raportoj nëse ka ndonjë progres apo jo. Miroslav Lajçak duhet të raportojë te Josep Borrell, rreth situatës. Nuk është një afat, por një hap tjetër për mua dhe në bazë të raportit tim do të marrim disa vendime dhe do të ecim përpara”, ka deklaruar ai.

Nga raportimet e Escobar dhe Lajcak do të varen dhe sanksionet që mund të përballet Kosova. Siç ka bërë të ditur Euronews disa nga sanksionet me të cilat mund të përballet Kosova janë:

Ne fazen e pare parashikohet :

1. Ngrirja e fondeve nga BE.
2. Ngrirja e procesit të liberalizimit të vizave.
3. Ngrirja e procesit të anëtarësimit në Këshillin e Evropës.
4. Ngrirja e fondeve amerikane.
5. Ngrirja e programeve për FSK-në.

Faza e dytë

1. Qëndrimi pasiv ndaj fushatës serbe për çnjohje.
2. Riorganizimi i pranisë ushtarake ndërkombëtare, reduktim serioz i kontingjentit amerikan.
3. Përjashtimi i Kosovës nga disa organizata ndërkombëtare.

Burime diplomatike thonë se nëse situata në terren nuk normalizohet, parashikohen edhe sanksione individuale ndaj kryeministrit Albin Kurti.

LEXO GJITHASHTU:

• Drafti i propozuar nga Rama, Bundestagu konfirmon për Euronews marrjen e dokumentit
• Albin Kurti për Asocacionin: Jo tekste alternative