A do të lirohet sot Diana Bahçja? Avokatja Gjonaj bashkohet me apelin e familjarëve

Avokatja Eranda Gjonaj iu bashkua apelit të familjarëve të Diana Bahçjas për lirimin e saj.

Ajo tha në një intervistë për “Good morning Albanians” në Euronews Albania se beson që sot, maksimumi nesër, nëna lehonë do të bashkohet me foshnjën e saj që për shkak të arrestimit e la 8-ditësh.

“Të jem e sinqertë unë besoj dhe te aspekti human i gjykatave shqiptare. Jemi mësuar që sapo dëgjojmë një ngjarje të tillë sulmojmë direkt sistemin e drejtësisë, por unë shpresoj, kam një bindje që ajo mund të lirohet sot, maksimumi nesër, por shpresoj që sot sepse 5 ditë është ai afati, nuk është 5 ditë, por brenda 5 ditëve që të lirohet sipas kërkesës që kanë bërë avokatët dhe unë shpresoj sepse parimi i humanizmit është parim që duhet të udhëhiqemi. Këtë apel bëj dhe unë si avokate, të mos udhëhiqemi vetëm nga parimi i ndëshkueshmërisë,” – u shpreh Gjonaj.

25-vjeçarja Diana Bahçja është arrestuar nga policia duke e shkëputur nga djali i saj vetëm 8 ditësh, pasi gjykata e shkallës së parë në Tiranë i ka vendosur një gjobë në vitin 2020 prej 2 milionë e 500 mijë lekë të vjetër, duke ia konvertuar një javë më parë, në 50 ditë burg.

Ajo është dënuar për braktisjen e një fëmije nga martesa e parë, por ajo mohon ta ketë bërë këtë gjë.

LEXONI GJITHASHTU:

• Avokatja për nënën lehonë: Dënimi të shtyhej derisa fëmija të shkonte 1 vjeç
• Bashkëshorti i lehonës së dënuar: Ia çova foshnjën në burg, kur ia mora nga duart&...