A do të mbyllet spitali i Tepelenës? Sqaron gazetari

Ditët e fundit spitali i Tepelenës ka qenë në qendër të debateve në opinionin publik sa i përket mbylljes ose jo të tij.

Korrespondenti i Euronews Albania, Blerim Kore tha se fillimisht kanë qenë disa prej mjekëve të këtij spitali që kanë firmosur një peticion të gjithë së bashku ku i kanë kërkuar kryeministrit Edi Rama mosmbylljen e këtij spitali sepse sipas tyre në qershor ka ekzistuar një urdhër për mundësinë e shndërrimit të këtij spitali në qendër shëndetësore, ndërkohë që konstatohet se dhe në projektbuxhetin e vitit 2023, sipas peticionit të mjekëve, pra vitin e ardhshëm, në vitin 2024 do të ketë ulje të buxhetit.

“Ky reagim i mjekëve ka sjellë reagim dhe mbështetje nga ana e banorëve të cilët kanë kërkuar mos të mbyllet spitali dhe të mos kalojë në qendër shëndetësore. Megjithatë ministria e Shëndetësisë në një deklaratë të bërë publike ka sqaruar situatën duke theksuar se nuk bëhet fjalë për mbyllje spitali, por bëhet fjalë për kanalizimin e shërbimit mjekësor në spitalin e Tepelenës në bazë të kërkesave që ka demografia e zonës. Sipas ministrisë së Shëndetësisë gjatë vitit 2023, pjesa më e madhe e vizitave i kanë përkuar moshës së tretë pasi kemi një lëvizje të madhe nga qyteti i Tepelenës dhe fshatrat përreth,” – sqaroi Kore.

LEXONI GJITHASHTU:

• Zbardhet vrasja e biznesmenit në Tepelenë, policia publikon emrat e autorëve
• Hidhet nga kati i dytë 29-vjeçari në Pogradec, humb jetën rrugës për spital