Mes 6 vrasjeve të zbardhura nga i penduari i drejtësisë, Artan Tafani ka hedhur dritë edhe mbi vrasjen e 1 qershorit të vitit 2022, ku viktimë ishte biznesmeni Çajup Selimi.

Biznesmeni Selimi, i cili kishte një dyqan shumice me prodhime gruri, në Tepelenë u qëllua me armë zjarri, dhe për pasojë nuk mundi t’i mbijetonte plagëve të marra.

Drejtori i Policisë së Shtetit Muhamet Rrumbullaku në konferencë për mediat deklaroi këtë të enjte se lidhur me megaoperacionin e koduar “Never Forget” (Kurrë mos harro) bëri të ditur se për vrasjen  e Çajup Selimit autorët e dyshuar janë Leart Haxhiu, Artan Tafami, Erisian Abedini, Lulzim Spahija, Ligor Lomaçka dhe Bujar Abedini.

Tafani ka bashkëpunuar me drejtësinë, ndërsa ka treguar se grupi ku bënte pjesë, ku drejtues ishte Laert Haxhia, i cili ndodhet pas hekurave në shtetin grek, pasi akuzohet për masakrën e Lushnjës, duke zbardhur kështu 6 vrasje.

Pas rrëfimit të tij policia ka nidur një megaoperacion, ku janë lëshuar 15 urdhër arreste.

Kujtojmë se para disa vitesh 45-vjeçari Selimi ishte dhunuar nga disa persona me levë hekuri dhe u godit me grushte duke i shkaktuar atij dëmtime.

Ngjarja në fjalë ndodhi konkretisht në 13 korrik të 2018-ës. Në atë kohë u tha se ngjarja ndodhi për shkak të konflikteve për konkurrencë në tregti. Në sajë të një megaoperacioni u lëshuan 16 urdhër-arreste, për implikim në vrasje apo dhe vendosje eksplozivi.

LEXONI GJITHASHTU:

• Video| Blinken performon me kitarë në nismën e re të diplomacisë muzikore amerikane
• Arifi: S’na detyron askush të mbajmë zi për serbët, jemi pjesë e Kosovës