A duan shqiptarët targë si Edi Rama? Përgjigjet Blendi Gonxhja

Drejtori i DPSHTRR, Blendi Gonxhja tha në një intervistë për “Good morning Albanians” në Euronews Albania se nuk di të ketë njerëz që janë të fiksuar të kenë targën njësoj me kryeministrin Rama apo me ndonjë ministër, a funksionar të politikës.

Ai vetë tha se nuk e dinte targën e kryeministrit dhe besonte se do ishin pak ata që do ishin në dijeni për numrin.

“Mund të ketë kombinime të lejuara që lidhen me mbiemrin Veliaj dhe mbiemri është i lejuar. Pra, mbiemri duhet të ketë një kombinim dhe duhet të jetë i shoqëruar me numra dhe dy gërma ose gërma me dy numra. Mund të bësh kombinime me Veliaj, ose Rama, natyrisht, por për shembull ndalohet me rregullore që të vësh mbiemrin e një politikani dhe t’i vësh një prapashtesë me kuptim negativ ose fyes,” – u shpreh Gonxhaj.

Ai sqaroi se nëse kombinimi është shumë i afërt dhe me interesin e të tjerëve ai kalon në ankand.

LEXONI GJITHASHTU:

• Gonxhja: 996 aplikime për targa të personalizuara, kanë arkëtuar 245 milionë lekë
• Blerja rekord! 12 milionë paund për një targë me numrin 7