“A duhet të fliste Veliaj në Këshillin Bashkiak?”, e sqaron Ish-Prokurori Beçi

I ftuar në emisionin Now me moderatoren Erla Mëhilli në Euronews Albania, ish-kryeprokurori Eugen Beci ka komentuar vendimin e Këshillit Bashkiak të Tiranës për shkarkimin e kryebashkiakut Erion Veliaj.

Ai e cilësoi vendimin si një shkelje të të drejtave themelore dhe theksoi mungesën e transparencës dhe respektimit të procedurës ligjore në këtë proces.

“Kanë rënë dakord që shkelet një e drejtë themelore që çdo personi që i fillon një proces duhet t’i bësh me dije shkaqet e shkarkimit. E dyta, vetë Gjykata Kushtetuese ka dy vendime ku në mënyrë eksplicite shpjegon se kryetari bashkisë duhet të dëgjohet. Është parim kjo dhe s’ka lidhje me sallën e gjyqit. Parimi juridik është dhe në ndërmarrjen më të humbur. Nuk ka asnjë vakancë. Në frymën e Kushtetutës është e përcaktuar dhe duhet ta dëgjosh. Këshilli Bashkiak i është referuar nenit 62, kemi një thelb që thuhet për tre muaj që s’është paraqitur. Në rast se s’kemi mungesë me arsye apo pa arsye nuk është përcaktuar,” – tha ish-kryeprokurori Eugen Beci.

Beci theksoi se procedurat për shkarkimin e një kryebashkiaku nuk mund të bazohen vetëm në interpretime të pjesshme të ligjit, por duhet të respektojnë frymën e Kushtetutës dhe të drejtat themelore të individit.

LEXONI GJITHASHTU:

• Të enjten mbledhja e qeverisë ku pritet të shkarkohet ligjërisht Erion Veliaj
• Shkarkimi i Veliajt, Alimehmeti-socialistëve: Bashkëfajtorë, vjedhjet s’i bëri vetëm