A është real kercënimi rus ndaj një vendi të NATO-s? Përgjigjet Ambasadori Nesho

Diplomati Agim Nesho, foli në Euronews Albania lidhur me samitin e mbajtur të NATO-s ditën e sotme, nga ku udhëheqësit e vendeve anëtare të NATO-s u zotuan të rrisin shpenzimet e tyre të mbrojtjes në 5% të Produktit të Brendshëm Bruto deri në vitin 2035.

I pyetur se a është real kërcënimi rus, nëse ndodh që Rusia të sulmojë një vend anëtar të NATO-s, Neshi pohon diçka të tillë duke nënkuptuar se Rusisë do i duhej të përballej me të gjithë vendet e tjera anëtare të NATO-s.

“Po, është real. Mbrojtja kolektive që do ketë NATO, është parimi kryesor. Ose do shkatërrohet NATO, duke mos pranuar atë që është baza, pra Kushtetuta e NATO-s, ose do të jetë jo efikase sepse kush do i mbrojë këto vende?

Jo të gjitha vendet kanë fuqi për të përballuar një agresion nga një fuqi shumë e madhe. Problemi është kjo që Trump e ka lënë të hapur për çështje pragmatike, teknike, për të thënë që vendet të realizojnë detyrat. Prandaj mund të quhet ‘Samiti i Trump-it’, pasi ai nënkupton këtë që: Vij si partner me juve, jam pjesë e aleancës, por ju keni mbrojtjen e Europës, është pjesa juaj, që të arrini këtë duhet të arrini 5%-shin.

Ky është një kusht paraprak për të bërë efikase organizatën që të marrë përgjegjësitë e tyre”, tha diplomati Nesho.

LEXONI GJITHASHTU:

• “Shpresoj të mos ndodhë”, Gazetari sjell detaje nga deklarata e Erdogan për Kosovën
• Ambasada Amerikane në Tiranë trajnon prokurorët shqiptarë për sigurinë digjitale