A është spiun Ilir Meta? Pse po hesht mazhoranca?

Ish- kryetari i Shoqatës Anti-komuniste të të Përndjekurve Politikë të Shqipërisë Nebil Çika foli në lidhje me bashkëpunëtorët e sigurimit të shtetit, ku vuri në theks se hapja e dosjeve temë e diskutua për javë të tëra u harrua.

Në një intervistë për Euronews Albania, ai tha se Autoriteti i Dosjeve nuk e ka në tagër bërjen publike të dosjeve, ndërsa shtoi se hapjen e tyre fillimisht duhet ta kërkonte kryetarja e Kuvendit Lindita Nikolla, e më pas Ilir Meta i cili u përfol se mund të kishte qenë bashkëpunëtor sigurimi.

Sipas tij mazhoranca e ka detyrim publik që të kërkojë hapjen e dosjeve nga Autoriteti i Dosjeve.

“Politika më shumë përpiqet të marrë at efektin mediatik, dhe show se sa efektin real që presin qytetarët. Ky prittë të jetë akti më i rëndësishëm i shkëputjes së të kaluarës kriminale në Shqipëri.

Ka katër projekte për ligjin e lustracionit që nuk janë më në lëvizje nga parlamenti.  Vetë autoriteti nuk bën dot asnjë lëvizje sepse nuk e lejon ligji. Detyrimin në mënyrë të veçantë e ka pasur kryetarja e parlamentit që e hapi si problem.  Nuk e di se çfarë ka ndodhur por detyrim politik e ka pasur Nikolla që ta kërkoj nga Autoriteti i Dosjeve dosjen e I.M. dhe së dyti e ka pas Meta.

E para mazhoranca ka pasur detyrimin publik dhe e dyta kanë premtuar që këta persona të mos jenë në garë për zgjedhjet lokale.

I vetmi që ka kërkuar që emrat e përfshirë në dosjen e sigurimit të shtetit është Kreshnik Çollaku. Ai ka kërkuar dhe emrat e punëtorëve që kanë punuar në sigurimin e shtetit.”- tha ai.

LEXONI GJITHASHTU: 

• EMRAT/ Kanabis dhe arsenal armësh, kush janë pronarët e shtëpisë së barit në Shijak
• Kapen 30 mijë euro ilaçe kontrabandë, e ‘pëson keq’ çifti i bashkëshortëve në Tiranë